1967ko Bertsolari Txapelketa Nagusia

1967ko Bertsolari Txapelketa Nagusia
Mota	Bertsolari Txapelketa Nagusia
Data	1967ko ekainaren 11
← 1965eko Bertsolari Txapelketa Nagusia 1980 →
Kokaleku	Atano III.a pilotalekua
Antolatzailea	Euskaltzaindia
Partehartzaile kopuru	10
Parte-hartzaileak	Fernando Aire Mikel Arozamena Txomin Garmendia Jose Luis Gorrotxategi Lazkao Txiki Jon Lopategi Bautista Madariaga Juan Mugartegi Manuel Olaizola Mattin Treku
Irabazlea	Manuel Olaizola

1967ko Bertsolari Txapelketa Nagusia 1967ko ekainaren 11an ospatu zen. Bertsolari Txapelketa Nagusiaren VI. edizioa izan zen eta Euskaltzaindiak antolatu zuen. Orduko 10 bertsolari onenek hartu zuten parte. Donostiako Anoeta pilotalekuan jokatu zen eta Manuel Olaizola "Uztapide"k irabazi zuen, bere hirugarren txapela izan zen.

Pio Caro Barojak TVErentzat grabatu zuen finala. Film dokumental honek Fiesta. Bersolaris. Poetas populares vascos izenburua izan zuen.

Gai jartzailea

• Alfonso Irigoien

Epaileak

• Akilino Izagirre "Zepai"
• Anbrosio Zararain
• Antonio Arrue "Urrea"
• Antonio Zabala
• Emile Larre
• Fernando Artola "Bordari"
• Jose Mari Satrustegi
• Juan Mari Lekuona
• Mariano Izeta
• Martzel Andrinua
• Mixel Itzaina
• Xabier Amuriza

Sailkapena

Txistuak

Bertsolaritzako pasarterik ezagunenetakoa eta zalantzarik gabe tamalgarriena gertatu zen. Arratsaldeko saiora Uztapide, Xalbador, Lopategi eta Lazkao Txiki sailkatu ziren eta epaileek buruz burukorako Uztapide eta Xalbadorren izenak eman zituztenean ikusleak haserretueta bost minutu eta erdiz txistuka arituz Xalbador sailkatu izanagatik protesta egin zuten.

Iskanbila baretu zenean Xalbadorrek honako bertso hau bota zuen.

Anai-arrebak, ez, otoi, pentsa
neure gustora nagonik,
poz gehiago izango nuen
albotik beha egonik;
zuek ezpazerate kontentu
errua ez daukat, ez, nik:
txistuak jo dituzue bainan
maite zaituztet oraindik!

Iruditegia

• 
  Mikel Arozamena eta Txomin Garmendia lehen planoan.
• 
  Jon Lopategi, Mikel Arozamena eta Txomin Garmendia.
• 
  Mattin Treku.
• 
  Xalbador.
• 
  Uztapide eta Xalbador 1967ko Bertsolari Txapelketa Nagusian

Kanpo estekak

• Bertsolaritzaren Datu Basea
• Txistuak txalo bihurtzen dituen pertsularia (Argia aldizkaria)
• 1967ko txapelketari buruzko dokumentala
• Auspoa bilduma: 1967ko Txapelketa

• Datuak: Q20492842
• Multimedia: Bertsolaritza Main Championship 1967 / Q20492842