Anfibol

Anfibolak silikatoen taldeko mineral multzo bat dira, inosilikatoen azpitaldekoak. Kaltzio, magnesio eta burdinadun metasilikatoak dira.

Anfibolen funtsezko egitura unitatea, silizio eta oxigenozko tetraedroa da (SiO₄), kate bikoitz luze eran lotua. Anfibol mineral bakoitzaren formula kimikoa, kate bikoitzean eginiko aldaketa metalikoen emaitza da: RSi₄O₁₁.

Anfibol izena grezieratik dator, αμφιβολος - amphibolos, anbiguoa esan nahi duena, mineral hauek aurkezten dituzten barietate aldagarriengatik, itxura eta konposaketari dagokionez.

Oinarrizko arroka metamorfiko eta plutonikoetako mineralik ohikoenak, hornblendak eta aktinolita dira. magmatikoetako funtsezko mineralak dira eta anfibolitaren ezinbesteko osagai bat. Euren kolorea beltza edo berde iluna da eta itxura beirakara edo esnetsua dute.

Anfibol mineralak

Espezie eta barietati anitz ezberdintzen dira. Garrantzitsuenetako batzuk, honako hauek dira:

• Antofilita (Mg,Fe)₇Si₈O₂₂(OH)₂
• Tremolita Ca₂Mg₅Si₈O₂₂(OH)₂
• Aktinolita Ca₂(Mg,Fe)₅Si₈O₂₂(OH)₂
• Kummingtonita Fe₂Mg₅Si₈O₂₂(OH)₂
• Grunerita Fe₇Si₈O₂₂(OH)₂
• Hornblenda Ca₂(Mg,Fe,Al)₅(Al,Si)₈O₂₂(OH)₂
• Glaukofana Na₂(Mg,Fe)₃Al₂Si₈O₂₂(OH)₂
• Riebeckita Na₂Fe²⁺₃Fe³⁺₂Si₈O₂₂(OH)₂
• Arfvedsonita Na₃Fe²⁺₄Fe³⁺Si₈O₂₂(OH)₂
• Krozidolita Na₂Fe²⁺₃Fe³⁺₂Si₈O₂₂(OH)₂
• Richterita Na₂Ca(Mg,Fe)₅Si₈O₂₂(OH)₂
• Pargasita NaCa₂Mg₃Fe²⁺Si₆Al₃O₂₂(OH)₂

Kanpo estekak

• Datuak: Q17159
• Multimedia: Amphibole / Q17159