Beltxata

Beltxata
Irudi gehiago
Sailkapen zientifikoa
Erreinua	Plantae
Ordena	Caryophyllales
Familia	Caryophyllaceae
Generoa	Agrostemma
Espeziea	Agrostemma githago L.

Beltxata (Agrostemma githago) Caryophyllales ordenako landare belarkara da, lore arrosekoa, Europako bide ertzetan eta galsoroetan hazten dena.

Izena

Euskaraz Beltxata, Beltxanburu,^[1] Albetxe^[1] eta Beltxabi izenak ditu.

Izen binomiala Agrostemma githago da. Agrostemma grezierazko αγρος, "soro" eta στεμμα, "koroa" itzetik dator, hau da, "soroetako koroa". Githago hebreerazko khitah, "gari" itzetik letorke.

Ezaugarriak

Nahiko landare handia da (1m), lantza itxurako hosto luzeekin.

Loreak arrosak edo zuriak dira, sepalo hostokarakoak, 25-50mm zabal. Udan loratzen da, maiatza eta iraila artean

Propietateak

Beltxata landare toxikoa da, diuretikoa. Haziak espektoratzaileak dira, baina gehiegi hartzean gastroenteritisaren sintoma bertsuak eragiten ditu. Dosi handitan heriotza eragin dezake.

Hauek dira dituen printzipio aktiboak: gitagina, saponina, glukosidoak.

Erreferentziak

Ikus, gainera

• Usagari

Wikimedia Commonsen badira fitxategi gehiago, gai hau dutenak: Beltxata

• Datuak: Q147852
• Multimedia: Agrostemma githago / Q147852
• Espezieak: Agrostemma githago