Getxo Rugby Taldea
- Artikulu hau gizonezkoen taldeari buruzkoa da; emakumeen taldea gaitzat duena beste hau da: «Getxo Rugby Taldea (emakumezkoena)»
| Hiria | Getxo,  Bizkaia | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Sorrera | 1975 | ||||||||||||||||||||||||||||||||
| Kirol zelaia | Fadura estadioa | ||||||||||||||||||||||||||||||||
| Presidentea | Alaitz Bollegi | ||||||||||||||||||||||||||||||||
| Entrenatzailea | Kemen Goitiandia | ||||||||||||||||||||||||||||||||
| Liga | Ohorezko B maila | ||||||||||||||||||||||||||||||||
| 2022-23 | 6.a | ||||||||||||||||||||||||||||||||
| Webgunea | getxorugby.eus | ||||||||||||||||||||||||||||||||
| |||||||||||||||||||||||||||||||||
Getxo Rugby Taldea Bizkaiko errugbi taldea da, egoitza Getxon duena. 2023-24 denboraldian, gizonezkoen lehenbiziko taldea Ohorezko B mailan dago. Horretaz gain, emakumezkoen, gazteen eta errugbi inklusiboko taldeak ditu.
Historia
Getxo Rugby Taldea 1975ean sortu zen, Gernika Rugby Taldean aritzen ziren getxotar jokalari batzuen eskutik. Hainbat urtez, beste kirol batzuetan zebiltzan gizonezkoak, batez ere arraunlariak, aritu ziren taldean. Hasieratik kirol emaitza onak lortu zituen, bai senior kategorian bai beste mailetan. 1980ko hamarkadan, taldea handitu zen, eta Espainiako Ohorezko Mailara igo zen. 1989an, emakume saila sortu zen Getxo Rugby Taldean.[1]
1990eko hamarkadan, orduko Xerox Getxo Estatuko errugbiaren erreferente bihurtu zen, beti Getxoko edo inguruko herrietako jokalariekin. 1990ean, Errege Kopa irabazi zuen Santboiana talde katalan historikoa 28-7 gaindituta. Hurrengo urtean, 1991n, berriro eskuratu zuen titulua, El Puerto de Santa María herrian beste bizkaitar talde bati irabazita, Gernikari, 32 eta 15. Bi urte horietan lortutakoa handia izan zen, baina hurrengo denboraldikoa ere ezin da ahaztu: Faduran bertan Errege Kopa hirugarrenez jarraian irabazi zuten, Mercabarna BUC taldearen aurka: 20-9.[2]
1992-93ko denboraldia ere historikoa izan zen: Espainiako Errugbi Txapelketa Nagusia irabazi zuen, Espainiako Liga, Liceo Francésen aurretik. Urte hartan bertan, Errege Kopako finalera heldu zen, baina galdu zuen El Salvador handiaren kontra. 1995ean, berriro iritsi zen Errege Kopako finalera, baina orduan ere galdu zuen, 37 eta 25, El Monte Rugbyren aurka. Dena dela, 1997an apurtu zuen bolada txarra, laugarren kapa irabazi baitzuen; finalean Alcobendasi 37 eta 19 gailendu zitzaion.[2]
Ligan ere oso denboraldi onak egin zituen urte haietan: 1995ean eta 1997an txapeldunorde geratu zen, eta 1996an, hirugarren. 1998tik aurrera, ostera, gauzak okertzen hasi ziren eta apurka-apurka taldearen mailak behera egin zuen.[2] 2002an Ohorezko B mailara jaitsi zen, baina hurrengo urtean Ohorezko Mailara itzultzea lortu zuen. 2005ean, Errege Kopako beste final batera heldu zen, baina orduan ere galdu zuen El Salvador taldearen kontra, 29 eta 8.[2]
2000ko hamarkadan profesionalizazio prozesua abiatu zen, eta klubaren aurrekontua nabarmen sendotuz joan zen apurka-apurka. 2009an, ordea, gizonezkoen senior taldea Espainiako Ohorezko B Mailara jaitsi zen, baina bi urte geroago maila gorenera igo zen, berriz ere.
Palmaresa
- Ohorezko Maila:
- irabazlea (1): 1993
- txapeldunordea (3): 1994, 1995, 1997
- Espainiako Kopa:
- irabazlea (4): 1990, 1991, 1992, 1997
- finalista (3): 1993, 1995, 2005
- Iberiar Errugbi Kopa:
- finalista (1): 1994
- Ohorezko B maila:
- irabazlea (3): 2003, 2011, 2020
Azken denboraldiak
Lehenbiziko taldea
Sakontzeko, irakurri: «Getxo Rugby Taldearen ibilbide historikoa»
| Denboraldia | Maila | Postua |
|---|---|---|
| 2000-01 | Ohorezko maila | 10.a (jeitsi) |
| 2001-02 | Ohorezko B maila | 1.a (igo) |
| 2002-03 | Ohorezko maila | 8.a |
| 2003-04 | Ohorezko maila | 7.a |
| 2004-05 | Ohorezko maila | 5.a |
| 2005-06 | Ohorezko maila | 8.a |
| 2006-07 | Ohorezko maila | 8.a |
| 2007-08 | Ohorezko maila | 5.a |
| 2008-09 | Ohorezko maila | 10.a (jaitsi) |
| 2009-10 | Ohorezko B maila | 6.a |
| 2010-11 | Ohorezko B maila | 1.a (igo) |
| 2011-12 | Ohorezko maila | 5.a |
| 2012-13 | Ohorezko maila | 8.a |
| 2013-14 | Ohorezko maila | 7.a |
| 2014-15 | Ohorezko maila | 9.a |
| 2015-16 | Ohorezko maila | 8.a |
| 2016-17 | Ohorezko maila | 11.a |
| 2017-18 | Ohorezko maila | 12.a (jaitsi) |
| 2018-19 | Ohorezko B maila | 2.a |
| 2019-20 | Ohorezko B maila | 1.a (igo) |
| 2020-21 | Ohorezko maila | 12.a (jeitsi) |
| 2021-22 | Ohorezko B maila | 2.a, finalerdiak |
| 2022-23 | Ohorezko B maila | 7.a |
| 2023-24 | Ohorezko B maila |
B taldea
Gizonezkoen B taldea, gaur egun Getxo Etorkizuna deitutakoa, Euskal Ligan ariten da.
| Denboraldia | Liga | Postua |
|---|---|---|
| 2010-11 | Euskal Maila (B multzoa) | 2.a |
| 2011-12 | Euskal Maila (A multzoa) | 6.a |
| 2012-13 | Euskal Maila (A multzoa) | 2.a |
| 2013-14 | Euskal Maila (B multzoa) | 2.a |
| 2014-15 | Euskal Maila (A multzoa) | 7.a |
| 2015-16 | Euskal Maila (1. maila) | 6.a |
| 2016-17 | Euskal Maila (1. maila) | 3.a |
| 2017-18 | Euskal Maila (1. maila) | 5.a |
| 2018-19 | Euskal Maila (1. maila) | 8.a |
| 2019-20 | Euskal Maila (1. maila) | 5.a |
| 2020-21 | ? | |
| 2021-22 | ? | |
| 2022-23 | Euskal Maila (1. maila) | 2.a |
Erreferentziak
- ↑ Getxo RT: historia. getxorugby.eus (Noiz kontsultatua: 2024-4-4).
- ↑ a b c d Campo, Egoitz. Xerox Getxo 1990eko hamarkadan: urte oparoak Bizkaiko errugbian. bizkaie.biz (Noiz kontsultatua: 2024-4-4).
Ikus, gainera
Kanpo estekak
- Webgune ofiziala
| Autoritate kontrola |
|
|---|
Datuak: Q3104686
Errugbia Euskal Herrian   | |
|---|---|
| Frantziako federakuntzako taldeak | Gizonezkoak: TOP 14(1.maila): Aviron Bayonnais Pro D2 (2.maila): Biarritz Olympique Emakumezkoak: |
| Espainiako federakuntzako taldeak | Gizonezkoak: Ohorezko maila (1.maila): Ordizia Ohorezko B maila (2.maila): Gernika • Getxo • Hernani • Zarautz • Gaztedi • Uni Bilbo • Uribealdea • Bera Bera • La Unica Emakumezkoak: |
| Desagertutako taldeak | Araba: Kirrinka • Abance RT |
| Urtez urte | |
