Nazioarteko Boxeo Federazioa

Nazioarteko Boxeo Federazioa

Datuak
Mota	nazioarteko kirol-federazioa
Agintea


Egoitza nagusi	Springfield Udalerria

Historia
Sorrera	1983
webgune ofiziala

Nazioarteko Boxeo Federazioa (IBF) Nazioarteko Boxeoaren Ospearen Aretoak aitortutako lau boxeo erakunde handienetako bat da, Munduko Boxeo Kontseiluarekin, Munduko Boxeo Elkartearekin eta Munduko Boxeo Erakundearekin batera.

Historia

IBFren aurretik United States Boxing Association (USBA) izan zen, Ipar Amerikako Boxeo Federazioa (NABF), Ipar Amerikako Boxeo Kontseilua (NABC) eta Ipar Amerikako Boxeo Elkartea (NABA) erakundeek bezala txapelketak ere antolatzen zituen eskualdeko erakundea. 1983an, Munduko Boxeo Elkartearen urteroko batzarrean, Puerto Ricon, Bob Lee-k, USBAko presidenteak, Gilberto Mendozaren aurka galdu zuen Elkarteko presidente izateko eskaintza. Leek eta beste batzuek mundu osoko erakunde berri bat antolatzea erabaki zuten biltzarrean. Talde berri horrek USBA-International deitzen zen eta New Jerseyn jarri zuten oinarri berria.

IBFko lehen munduko txapelduna Marvin Camel izan zen, Munduko Boxeo Kontseiluko munduko txapeldun ohia, maila berean titulua irabazi zuena, gurutze pisuan. Bere lehen urtean arazo batzuk izan zituen baina jada 1984an Larry Holmes, Aaron Pryor, Marvin Hagler eta Donald Curry bezalako txapeldunak izendatu zituzten, beste maila batzuetan ere txapeldun izan zirenak. Homes-en kasuan, Kontseiluaren tituluari ere uko egin zion Nazioarteko Federazioaren aitorpena onartzeko.

Harrezkero IBFk munduko txapeldun onenetako hainbat izan ditu, Félix Trinidad welter pisuko txapelduna izan zen 1993tik 2000ra edo Wladimir Klitschko, pisu astunen kategorian munduko txapeldun titulua izan zuena 2008tik 2015era. Erakundearen ospea larriki kaltetu zen 1999an munduko sailkapenean izandako arazoen ostean. Hiawatha Knight munduko boxeo erakunde baten buru izan zen lehen emakumea izan zen. 2001ean, Marian Muhammad jarraitu zion Nazioarteko Federazioko presidente gisa.