Rapier

Rapier
ezpata
Irudi gehiago
Jatorrizko herrialdea	Espainia

Rapierra esku bakarraz eusteko moduko ezpata mota bat da, punta mehe eta luzanga batekin, bi alboetatik zorroztua, batez ere puntaz jotzeko pentsatua, estokeen familiakoa (gerren eta puntzet ere deituak euskaraz)^[1]. ^[2] Espainian eta Italian XV. mendearen erdialdean sortu ziren, baina azkar egin zen ezaguna Europako gainerako lurraldeetan XVI. eta XVII. mendean, Aro modernoan. ^[3]

Etimologia

Gaztelaniaz armari espada ropera deitzen zitzaion, jantziekin batera agerian eramateko ezpata zelako (ropa =arropa, gaztelaniaz). Hortik eratorri zen rapière hitz frantsesa, eta horren ordainak zabaldu dira gero Europako hizkuntzetan, rapier batez ere.

Kontuan izan behar da Aro Modernoko garaietan, Espainian, Italian eta Frantzian, rapier bati ezpata besterik gabe deitzen zitzaiola, mota nagusia hauxe zelako.

Deskribapena

Ezpata luzanga bat da, xafla mehekoa eta bi aldeetatik zorrotza; batez ere puntuarekin labankada egiteko erabiltzen bada ere, aurkariari azaleko ebakiak ere egin diezazkioke. Hainbai mota bereizten dira, beren ezpata-buru edo bururtenaren arabera: ^[4]

• 
  Begizta formako ezpata-burua.
• 
  Maskor erako ezpata-burua.
• 
  Katilu formako ezpata-burua.

Erreferentziak

• Artikulu hau, osorik edo zatiren batean, Katalanezko wikipediako «Estoc» artikulutik itzulia izan da, 2021-08-01 data duen 27934471 bertsioa oinarritzat hartuta. Sartze-datarik ez duten erreferentziak, edo 2021-08-01 baino lehenago datatuak, jatorrizko artikulutik ekarri dira itzulpenarekin batera.

Kanpo estekak

• Datuak: Q816745
• Multimedia: Rapiers / Q816745