San Ignazio-Zorrotzaurre zubia
| San Ignazio-Zorrotzaurre zubia | |
|---|---|
  Irudi gehiago | |
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Bilbo |
| Kokapen fisikoa | Zorrotzaurre |
| Koordenatuak | 43°16′38″N 2°57′53″W / 43.277208°N 2.964606°W / 43.277208; -2.964606 |
 | |
| Historia eta erabilera | |
| Eraikuntza | 2018 - 2020 |
| Jabea | Bilboko Udala |
| Erabilera | zubia errepidea espaloia bidegorria |
| Arkitektura | |
| Eraikitzailea | Ferrovial Q52795649  |
| Diseinatzailea | Enrique Elkoroberezibar eta Sergio Saiz García |
| Materiala(k) | altzairua, beira eta hormigoia |
| Kolorea | ██ zuri |
| Dimentsioak | 4,47 ( ) × 28 ( ) × 75 ( ) m |
| Gurutzatzen du | Deustuko ubidea |
| Zubibegiak | 1 |
San Ignazio-Zorrotzaurre zubia Bilbo udalerrian eraikitzen ari den zubi bat da, Deustuko ubidea zeharkatuko duena, ipar-ekialdetik San Ignazio auzoa eta hego-mendebaldetik Zorrotzaurre gunea elkarlotuz. 2018ko maiatzaren 7an eraikitzen hasi zen eta 2019ko urrian zabaltzea espero da. Illes Balears kalearen luzapen, Frank Gehry zubiaren ondoren Zorrotzaurrera heltzeko bigarrengo sarbidea, eta Bilboko hamabosgarren zubia izango da.
Historia
2018ko otsailaren 9an zubiaren eraikuntza esleitu zitzaion Ferrovial-Agroman eta Viconsa enpresek eratutako aldi baterako enpresa-elkarteari, 10,2 milioi euroko aurrekontuaz eta 17 hilabeteko eraikuntza epeaz.[1]
Urte bereko maiatzaren 7an eraikuntza lanak hasi ziren.[2]
Ezaugarriak
LKS ingeniaritzako Enrique Elkoroberezibar eta Sergio Saiz bideen ingeniariek diseinatua, zubia 75 metro luze eta 28 metro zabal izango da, 4,47 metroko kalatuarekin.[3] Zorrotzaurre gunea eta San Ignazioko Illes Balears kalea elkarlotuko ditu, Idom ingeniaritzaren egoitzaren ondoan. Zirkulazio orokorrerako bi errei izango ditu (norabide bakoitzeko bana); eta autobusentzako beste bi errei (norabide bakoitzeko bana); 4,4 metro zabaleradun espaloi bana alde bakoitzean, eta 2,5 metro zabaleradun norantza bikoitzeko bidegorria.[4]
Erreferentziak
- ↑ «Visesak Ferrovial-Agroman eta Viconsa enpresekin eratutako ABEE-ari esleitu dio San Ignacio eta Zorrotzaurre uztartuko dituen zubiaren eraikuntza» www.zorrotzaurre.com (Noiz kontsultatua: 2018-03-02).
- ↑ Vasca, EiTB Radio Televisión Pública. «Etorkizuneko uhartearen bigarren zubia eraikitzeko lanak hasi dira Bilbon» www.eitb.eus (Noiz kontsultatua: 2018-05-07).
- ↑ (Gaztelaniaz) «Ingzero | PUENTE SAN IGNACIO» ingzero.com (Noiz kontsultatua: 2018-03-02).
- ↑ Euskal Irrati Telebista. «Zortzi milioi euro, San Inazio-Zorrotzaurre zubia eraikitzeko» www.eitb.eus (Noiz kontsultatua: 2018-03-02).
Ikus, gainera
- Bilboko itsasadarra
- Bilboko itsasadarreko zubiak
- Zorrotzaurre
- San Ignazio (Bilbo)
| Euskarazko Wikipedian bada atari bat, gai hau duena: Bilbo |
Kanpo estekak
| Autoritate kontrola |
|
|---|
Datuak: Q50300277
Multimedia: Puente San Ignacio-Zorrotzaurre / Q50300277
 | Bilboko itsasadarreko zubiak | |
|---|---|---|
| Abusu • Areatza • Arrontegi • Bizkaia Zubia • Deustu • Erribera • Euskalduna • Frank Gehry • Mesede • Miraflores-Larreagaburu • Pedro Arrupe • Pontoi • Salbe • San Anton • San Ignazio-Zorrotzaurre • Udaletxea • Zubizuri | ||
