Peter C. Doherty

Peter C. Doherty
Irudi gehiago
Bizitza
Jaiotza	Brisbane, 1940ko urriaren 15a (83 urte)
Herrialdea	Australia
Hezkuntza
Heziketa	Edinburgheko Unibertsitatea Queenslandeko Unibertsitatea Indooroopilly State High School (en)
Hizkuntzak	ingelesa
Jarduerak
Jarduerak	immunologoa, albaitaria eta katedraduna
Enplegatzailea(k)	Sussexko Unibertsitatea Melbourneko Unibertsitatea Tennesseeko Unibertsitatea St. Jude Children's Research Hospital (en)  (1988ko apirilaren 1a -
Jasotako sariak	ikusi Royal Societyko kidea Albert Lasker Award for Basic Medical Research  (1995) Medikuntzako Nobel Saria  (1996) Canada Gairdner International Award  (1986, 1995) Paul Ehrlich and Ludwig Darmstaedter Prize  (1983) Australian of the Year  (1997) Australian National Living Treasure Mendel Medal  (2000) honorary doctorate of the National University of San Marcos Leeuwenhoek Lecture  (1999) honorary doctor of the Autonomous University of Barcelona Fellow of the Australian Academy of Health and Medical Sciences Fellow of the Australian Academy of Science  (1983) Centenary Medal  (2001eko urtarrilaren 1a) Companion of the Order of Australia  (1997ko urtarrilaren 26a) Fellow of the Royal Society of Victoria  (2017)
Kidetza	Royal Society Ameriketako Estatu Batuetako Zientzien Akademia Nazionala Australian Academy of Science (en) Zientzien Errusiar Akademia Académie Nationale de Médecine (en)
peterdoherty.com.au

Peter C. Doherty (Brisbane, 1940ko urriaren 15a) australiar zientzialaria da. Albaitari-ikasketak egin zituen Queenslandeko Unibertsitatean. 1963-1967 urte-bitartean Animalia Ikerkuntzarako Institutuan lan egin zuen, Australiako gobernuarentzat, unibertsitate-eskolak ordaintzeko. Bien bitartean, australiar Nobel saridun Macfarlane Burneten lanari esker immunologiarekin zaletu zen, eta Australiako gobernuarentzako lanak bukatu orduko, ardien garuneko birus-infekzioei buruzko doktore-tesia prestatu zuen Edinburgoko Unibertsitatean, Eskozian. 1972an Australiara itzuli zen, Australiako Unibertsitate Nazionaleko Medikuntza Ikerkuntzako John Curtin Eskolako ikerkuntza-zuzendari gisa. Han egin zituen Nobel sariaren merezidun egin zuten ikerkuntzak. Rolf Zinkernagel zientzialari suitzarrarekin batera, T zelulen jarduera ezagutzeko saioak egin zituzten saguekin, zelula horiek birusak kutsatutako zelulak hiltzeko gaitasuna dutelako. 1975-1982 bitartean Wistar Institutuko irakasle izan zen, Filadelfian, eta Australian Medikuntza Ikerkuntzako John Curtin Eskolako Patologia Esperimentalaren sailburu gisa lan egin ondoren zenbait urtez, Estatu Batuetara itzuli zen 1988an, Memphisera, haurrentzako St. Jude ikerkuntza-erietxeko Immunologia Saileko zuzendari gisa. 1983an Paul Ehrlich saria irabazi zuen, Alemanian, 1986an Nazioarteko Gairdner Fundazioaren saria, eta 1995ean Medikuntza Ikerkuntzako Albert Lasker saria.

1996an Fisiologiako Nobel saria jaso zuen, Rolf Zinkernagelekin batera, hogeita hiru urte lehenago egindako aurkikuntzarengatik. Immunitate-sistemak birusak kutsatutako zelulak nola ezagutzen dituen aurkitzeagatik eman zioten saria. Garrantzi handiko aurkikuntza izan zen hura minbiziaren eta beste eritasun larri batzuen aurkako borrokan.

Erdi-autobiografikoa den liburu bat idatzi zuen, The Beginner's Guide to Winning the Nobel Prize; Melbournen argitaratu zen 2005ean.

Erreferentziak

Kanpo estekak

• (Ingelesez) St. Jude ospitalearen web-orria
• (Ingelesez) Peter C. Dohertyren autobiografia, Nobel sarien web-orrian

• Datuak: Q309814
• Multimedia: Peter C. Doherty / Q309814